ශ්‍රී ලංකාවෙන් ජාත්‍යන්තර ක්‍රිකට් පිටියට බිහිවූ විශිෂ්ටතම ප්‍රහාරාත්මක පිතිකරුවා ලෙස සැලකෙන හිටපු නායක සනත් ජයසූරිය, ඔස්ට්‍රේලියානු ක්‍රීඩා සමාජයක් වන මෙල්බර්න්හි මල්ග්‍රේව් ක්‍රිකට් සමාජයේ (Mulgrave Cricket Club) ප්‍රධාන පුහුණුකරු ලෙස පත්කර ඇත.
ඉදිරි 2021-22 තරගවාරය වෙනුවෙන් මෙම පත්කිරීම සිදුකර ඇත.
මල්ග්‍රේව් ක්‍රිකට් සමාජයේ නායක ලෙස මේ වනවිට ඔස්ට්‍රේලියාවේ පදිංචිව සිටින ශ්‍රී ලංකා හිටපු නායක තිලකරත්න ඩිල්ෂාන් කටයුතු කරයි. එමෙන්ම ශ්‍රී ලංකා හිටපු ක්‍රිකට් ක්‍රීඩක උපුල් තරංගද මේ වනවිට එම ක්‍රීඩා සමාජය වෙනුවෙන් ක්‍රීඩාකරනු ලබයි.
තමාගේ නව පත්වීම සම්බන්ධයෙන් සිය ෆේස්බුක් ගිණුමේ සටහනක් තබමින් සනත් ජයසූරිය පවසා සිටියේ, මල්ග්‍රේව් ක්‍රිකට් සමාජයේ ප්‍රධාන පුහුණුකරු ලෙස පත්වීම පිළිබඳ ඉතා සතුටට පත්වන බවයි. එමෙන්ම එළබෙන තරග වාරයේ ශූරතාව දිනාගැනීමට බලාපොරොත්තු වන බවයි.
